Koloasib khaw daifem Rengtekawn leh Tuitha venga a awm ten polling station hnai bera Vote an neihna hmun Saidan chu a panna a hlat tham deuh avangin tun tum Parliament inthlanah hi chuan sawrkarin anmahni thiarna tur Motor a ruahman sak dawn tih Kolasib DC Pu Jitender Yadav chuan a sawi.

Nimin tlai khan Kolasib tlawha zin General Observer Dr. Rakesh Gupta, IAS hovin Kolasib District Election Officer leh Political Party te, NGO te inkawmna hun DC office chamber-ah neih a ni a. Hetah hian Rengtekawn leh Tuitha veng chhung Voter tana vote thlakna pan a harsat thu leh party thenkhat ten voter te an thiar fo thu sawilan a ni a. Hei hi thil diklo a ni tih Observer chuan sawiin ruahmanna hi siam a ni dawn ta a ni. NGO te chuan Observer hnenah hian tun tum Lok Sabha inthlan tura tihdan hmasa anga Tripura a ral tlan Bru te anmahni awmhmuna Vote thlaktir ECI in a tum leh chu an hriat thiam theihloh thu an sawi a. Hei hi Pu Rakesh Gupta chuan Election Commission of India hnenah a thlen nghal dawn tih sawiin amah chu ECI mi tirh mai a nih thu leh he thil hi a hriat loh thu pawh a sawi a ni.

Pu Gupta chuan inthlan felfai leh thianghlim kan neih theih nan Model Code of Conduct zawm ngei a nih theih nan NGO tin te, pol. Party leh media te tanrual a tul a ni, a ti a ni.