Vawiin hian Pu Sangdingliana, Secretary to Government of Mizoram, Accessibility Observer for the Parliamentary Elections to the Lok Sabha 2019 chuan Serchhip District a tlawh a, Pi Sangchhin Chinzah, District Election Officer leg Election Official ten an lo dawngsawng a ni.

Observer chuan pianphunga harsatna nei ten tha taka vote an thlak theih hi sawrkar duhdan a ni a, Polling Booth-ah pawh awlsam taka an thlen ve theihna tur ngaihtuahsak leh vote thlakna kawngah pawh tanpui an tulna apianga tanpui turin thuneitu lamte inbuatsaih a tul thu a sawi.

Pi Sangchhin Chinzah, DEO Serchhip chuan Serchhip District chhunga Assembly Constituency 3 a pianphunga harsatna neite (PwD) awm zat hetiang hian report a pe in, 26^th Serchhip AC ah mi 61, 27^th Tuikum AC ah mi 60 leh 28^th Hrangturzo AC ah mi 25, an vaiin mi 146 an awm thu a sawi a. Heng miten vote an thlak theih nana an kal lam leh haw lamte lo buaipui turin Mizoram People Forum (MPF) te beisei an nih thu a sawi bawk.

Observer chuan Polling Booth te tlawh kualin PwD te tana awlsamna tur ruahmanna siamte a felfai em tih a hmunah a enkual a, Pu K. Saitluanga, MIS, DIPRO Serchhip leh Election Official ten an tawiawm a ni.