November 25, 2013-a inthlanpui atana inbuatsaihna chu tluang takin kalpui mek a ni a. Inthlanpui vil tur hian ECI atangin Observer engemaw zat ruat niin vawiin hian Aizawl District huam chhung atana ruat General Observer 4 - Pu R.Manoj, IFS, 9-Tawi viltu tur, Pu Sandeep Kumar Sultania, IAS, 10-Aizawl North I, 11-Aizawl North II leh 13-Aizawl East I viltu tur, Dr G.Vani Mohan, IAS, 12-Aizawl North III, 15-Aizawl West I leh 16-Aizawl West II viltu tur, Pu Chakravarthi Mohan IAS, 20-Aizawl South III viltu tur te bakah Police Observer Pu Dawa Sherpa, IPS te chu vawiin hian Aizawl an lo thlen beisei a ni a, 8-Chalfilh viltu tur General Observer Pu Mayank Warwade, IAS chu naktuk hian lo thleng tura beisei a ni bawk.

Inthlannaa Candidate tur ten Nomination an file mek zel a, Nomination file hun hi naktuk ni 8.11.2013 tlai dar 3:00 ah khar a ni ang a, a tuk ni 9.11.2013 ah Nomination Paper te hi endik niin inhnukdawk duh te tan ni 11.11.2013 tlai dar 3:00 thleng hun hawn a ni ang. Aizawl District bika inthlannaa chuh tur, vawiin tlai thlenga Nomination file tawh te chu heng te hi an ni :-