Vawiin chawhnu dar 2:00 khan Pi Sangchhin Chinzah, District Election Officer hovin a pisa-ah kan hma MP Election lo awm tur atana inbuatsaihna atan Political Party hrang hrang aiawhte leh Election Official ten inkawm hona hun an hmang.

District Election Officer chuan kum kalta khan Serchhip District ah MLA Election felfai taka neih alo nih tawh avangin lawmthu a sawi a, Lok Sabha MP Elelctionah pawh hian inthlanna thianghlim leh felfai tak kan neih leh theih nan kalkhawmte chu thawhpuiah a sawm a ni.

He hunah hian Pu Chuauhnuna, Dy.DEO chuan Election Expenditure Monitoring chungchang sawiin, Lok Sabha Election 2019 ah hian candidate pakhatin campaign nan Rs. 70,00,000.00 a hman theih thu a sawi a. Election Expenditure pual hian candidate ten Bank Account thar hlak an hawng tur a ni a, chutah chuan candidate-in a sum zawng zawng a dah tur a ni a. Election hun chhungin mi pakhat emaw pawl pakhat emaw hnenah sum fai a pek chhuah theih pumpui chuan Rs. 10,000.00 a pel thiang lo a ni a ti bawk. Pu R. Vanrengpuia, Nodal Officer, Election Expenditure Monitoring chuan Election chhunga sum senso chhutna tur Rate Chart chungchang a sawifiah a. Pu K. Saitluanga, Member Secretary, Media Certification & Monitoring Committee  chuan MCMC media hrang hranga candidate tinten Model Code of Conduct an bawhchhiat lohna atana phalna pek chhuah anih dan chungchanga a sawifiah. Model Code of Conduct chungchanga party hrang hrangten an hriat tur pawimawhte sawi hona hun hman zui niin, zawhna leh chhanna hun tha tak an hmang bawk a ni.