Boruak muanawm tak hnuaiah inthlanna neih anih theih nan venhimna hna thawktuten Serchhip leh Thenzawl ah “Election Police Flag March” an nei.

Vawiin khan Serchhip leh Thenzawlah ralmuang leh boruak muanawm tak hnuaia inthlanna neih anih theih nan CAPF leh Serchhip Police ten “Flag March” an nei a. He Flag March hi a tum hnihna niin Assembly Inthlanpuia Serchhipa duty tur rawn kal, Central Armed Police Force (CAPF) leh Mizoram Police ten Thenzawl leh Serchhip khaw chhungah kawngzawhna hi an nei a ni.

Vawiina kawng zawh hi Pu David Bynadaolai, MPS chuan kaihruaiin, inthlan boruak nuam tak a awm theih nan, venhimna uluk taka an kalpui thu a sawi a. A tulna hmun apiangah, a tul hun apianga che chhuak tura an inpeih reng thu a tar lang a ni.