1410/2026-2027

Aizawl; 15^th July, 2026: Vawiin khan Aizawl DC Pisapui Hall-ah Aizawl District tana Electoral Roll for SIR, 2026 observer tana ECI in a ruat Pu V. Lalsangliana, IAS, Commissioner & Secretary, PWD leh UD&PA hovin SIR, 2026 buaipuitu official te, tlawmngai pawl aiawh te leh Political Party aiawh ten meeting an nei a. Er. Lalhriatpuia, IAS, DEO leh bawrhsap ni bawk chuan  Aizawl District chhunga SIR, 2026 hmalak tawhna leh hmachhawp hrang hrangte report a pe.

Vawiin meeting a koh chhan sawiin, E/Roll Observer Pu V. Lalsangliana chuan  Aizawl District chhunga Special Intensive Revision (SIR), 2026 kalpui mekah hian Election Commission of India (ECI) in SIR, 2026 hmalakna dan tur phase hrang hrang a duan te, hunbi tiam chhungin ṭha takin in zo thei a ngem? ti te, Mipui hnenah Awareness in pe ṭha tawk em? ti te, DEO, ERO, EROs, BLO leh BLA ten eng  nge harsatna leh thurawn in neih? tih te hriat ka duh bakah, NGOs leh Political Party te feedback leh thurawn te ngaihthlak ka duh bawk a ni, a ti.

Pu V. Lalsangliana chuan tunah hian Claims & Objection Period-ah kan awm mek a, Electoral Roll a inthun thar theih tawh si; inthun loh an awm palh em? Electoral Roll-a chuang tur ni lo; chuang si te an awm em? Tun hi Electoral Roll-a inthun thar hun, siam ṭhat ngai siam ṭhat hun leh paih ngai te paih tura buaipui hunlai tak a ni a. SIR, 2026 hi Mizoram state in Electoral Roll dik, thianghlim leh felfai tak kan siam hun lai a nih avangin kan Political party leh tlawmngai pawl te pawhin theihtawp chhuaha ERO, AERO, BLO, BLA te lo puibawm turin ka ngen che u a ni, a ti bawk.

Vawiin meeting-ah hian DEO, Dy. DEO, EROs, AEROs, SP aiawh, Political Party aiawh te leh Tlawmngai pawl hrang hrang aiawh te an tel a ni.

DC Pisapuii Hall-ah meeting zawhah hian E/Roll Observer Pu V. Lalsangliana chuan concerned ERO leh AERO te nen 13/11- Zuangtui, 13/10- Muanna Veng, 10/5- Durtlang leh 10/8- Durtlang ‘V’ polling station te an tlawh nghal a ni.