Vawiin khan Aizawl Dy. Commissioner leh District Election Officer ni bawk Pu Vanlangaihsaka kaihhruaina hnuaiah Electoral Roll Observer for Aizawl District Pu Lalthangpuia Sailo, Commissioner & Secretary, AH&Vety/MD&R hovin DC’s Conference Hall-ah Special Summary Revision of Photo Electoral Rolls chungchangah meeting neih a ni a. Special Summary Revision kaihhnawih mawhphurhna hrang hrang nei official-te, political party aiawhte leh NGO aiawhte an tel a ni.

Electoral Roll Observer for Aizawl District Pu Lalthangpuia Sailo chuan Election Commission of India-in Electoral Roll siam hi uluk taka kalpui a duh avangin tum 3 lai Report pek a ngai a, vawiina meeting hi a vawi hnih rawn tlawhna a nih thu a sawi a. Political party hrrang hrang te, khawtlang hruaitu leh tlawmngai pawlten theihtawpa electoral roll felfai tak neih theih nana an thlawp thinna chungah lawmthu a sawi bawk.

Second Report-a a landanin January ni 15 thleng claims thehluh theih hun kha a tawp hnuah tunah hian ERO leh AERO ten claims 15,000 chuang rawh thehluhte chu enfiahna (verification/hearing) an kalpui mek a; ERO-te pawh EROnet hmangin an inthlunzawm vek tawh a ni. Zirna in hrang hrang - school, college leh University - ah Campus Ambassadors leh Electoral Literacy Clubs te dinin Electoral Roll chungchangah zirlaite zingah awareness campaign thlak thin a ni bawk a. District Election Officer Office-ah Voter Facilitation Centre (VFC) siam a ni bawk a, hetah hian mipui lam atangin lungawi lohna/sawiselna (grievances/complaints) an dawnte chu ngaihtuah sak vat zel a ni.

Aizawl DC/DEO Pu Vanlalngaihsaka chuan ECI-in Electoral Roll Revision hi a uluk em em a, dik leh felfai se a tih avangin Electoral Roll Observer Report pawh vawi thum lai thehluh a ngai tih a sawi a. Electoral Roll Revision dik leh fel taka kalpui zel a nih theih nana thawktu zawng zawngte chungah lawmthu a sawi bawk. Electoral Roll atan birth certificate leh lehkha pawimawh (documents) dangte mamawh thin a nih avangin mipui lam pawhin heng lehkha pawimawhte an neih leh vawn that tur a ni a, hemi kawngah hian Mizote chu an inthlahdahin an ngai pawimawh tawk lo thin tih vawiin meeting-ah sawilan a ni nghe nghe.