No.3125/2021-2022
Aizawl, the 24th November 2021: Assembly Constituency paruk awmna Lunglei District chhunga Special Summary Revision of Electoral Roll kalpui mek endik tura Election Commission of India (ECI) in a ruat Electoral Roll Observer Pu K. Lalthawmmawia IAS, hovin vawiin khan Lunglei DC Conference Hall-ah meeting neih a ni.

He hun hi Lunglei DC & DEO Pu Kulothungan A, IAS in kaihruaiin ERO, AERO leh official dangte bakah Political party hrang hrang aiawh, MJA leh tlawmngai pawl aiawhte an tel a ni.

Electoral Roll Observer Pu K. Lalthawmmawia chuan Special Summary Revision of Electoral Roll 2022 kalpui mek tluang leh felfai taka kalpui anih theihna tura hmalakna enfiah tura ruat anih thu sawiin, zawhna nei leh rawtna thlen duh neite tan a inhawn reng thu a sawi a. Election kaihhnawih hmalakna hrang hrang a bik takin electoral roll dik leh felfai kan neih theihna tura hmalakna ah te official-te, NGO-te, kohhran te leh khawtlang hruaitute thahnemngaihna a fakawm takzet a ni tiin kan tanrualna zarah Mizoramin roll felfai tak kan nei thei a ni, a ti a. Political party-te pawh District chhunga polling station tinah booth level agent (BLA) ruat ngei turin a chah bawk a ni.

Lunglei DC Pu Kulothungan A chuan SSR 2022 hna kal meka Lunglei District chhunga hmalakna tlangpui pawh tarlangin election kaihhnawih official-te - ERO, AERO leh BLO te tan October thla atang khan training vawi engemawzat neih anih bakah social media kaltlanga awareness campaign te neih niin Bike Rally leh Mega Awareness Campaign te ruahman anih thu a sawi a. Pianphunga rualbanlote pawh electoral roll-a an inziahluh ngei theihnan Social Welfare Department nena tangkawpin special enrolment drive kalpui anih thu a sawi bawk.

Sub Hqrs YMA Lunglei President Pu Lalrotluanga pawhin thu sawiin Lunglei District election kaihhnawih official-te thawrimna fakawm tiin Special Summary Revision hna kal mek pawh kum dang ang bawka dik leh felfai taka kalpui anih ngei a rin leh a beisei thu a sawi a ni.

Novermber ni 1, 2021 a tlangzarh Draft Electoral Roll in a tarlan dan in Lunglei District-ah voter 95,213 (mipa – 47,327, hmeichhia – 47,886) an awm a, Assembly constituency pali – Lunglei North, Lunglei East, Lunglei West leh Lunglei South ah te hmeichhe voter an tam zawk a ni. Tun dinhmunah Lunglei District chhungah polling station 171 a awm mek bawk a ni. Assembly Constituency hrang hrang dinhmun chu hetiang hi a ni:

Special Summary Revision of Electoral Rolls, 2022 atana Election Commission of India (ECI) hun bituk chu hetiang hi a ni: