No.6833/2020-2021

Lunglei District chhunga Special Summary of Electoral Roll kalpui mek endik tura Election Commission of India (ECI) in a ruat Electoral Roll Observer Dr Lalzirmawia Chhangte  IAS, hovin nimin tlai khan Special Summary of Photo Electoral Roll 2021 kalpui mek chungchang sawihona leh inrawnkhawmna Lunglei DC Conference Hall-ah neih a ni.

He hun hi Lunglei DC & DEO Pu V.Lalsangliana, IAS in kaihruaiin ERO, AERO leh official dangte bakah Political party hrang hrang aiawh, MJA leh tlawmngai pawl aiawhte an tel a ni.

Electoral Roll Observer Dr Lalzirmawia Chhangte chuan  Special Summary Revision of Electoral Roll  kalpui mek tluang leh felfai taka kalpui anih theihna tura enfiah tura ECI in a ruatna bawhzui anih thu sawiin, zawhna nei leh rawtna thlen duh neite tan a inhawn reng thu a sawi a. Lunglei District chhunga polling station hrang hrang a tlawhna leh Special Summary Revision-a chanvo neite a kawmna atangin Summary Revision hna hi uluk leh fimkhur taka an kalpui nia a hmuh thu sawiin a bulthuta thawktu BLO-te leh official-te chungah lawmthu a sawi a. India ramin election system tha tak a neih thu leh Mizoram chu ram puma election hna kalpui tha berte zing ami kan nih thu sawiin he system innghahna bulpui ber chu Electoral Roll dik leh felfai anih thu a sawi a. Special Summary Revision chhung hian kum tling tharte thunluh mai bakah hming paih leh tihdik ngaite siam that lamah pawh hmalak uar lehzual a tul a ni, a ti bawk .

He hunah hian Lunglei Election Officer Pu J. Miahlung chuan report pein Special Summary Revision of Photo Electoral Roll kalpui meka hriat tur pawimawh leh hmabak awmte a sawifiah a. Dilna lutte chak zawka chinfel anih theihna turin a theih chinah hearing neiha chinfel  nghal zel anih thu pawh tarlangin, tun dinhmunah form 6 kaltlangin lut thar tur dilna 713, form 7 hmanga hming paih dilna 117, form 8 kaltlangin siamthat dilna 104 leh form 8A hmangin insawn dilna (Assembly Constituency khat chhungah) 57, a zavaiin dilna 991 Lunglei District-ah a luh tawh thu a report a ni. Lunglei District-ah Assembly Constituency paruk (6) awmin Integrated Draft Electoral Roll 16th November-a tlangzarh taka a lan danin District pumah voter 93,211 (mipa – 46,377, hmeichhia – 46,834) an awm a, polling tsation 169 a awm bawk a ni.

Special Summary Revision of Electoral Rolls, 2020 atana Election Commission of India (ECI) hun bituk chu hetiang hi a ni: