Chief Minister Pu Lal Thanhawla chuan Electric Power hi ram hmasawnna hna thawhna kawnga pawimawh ber a ni a ti. He thu hi vawiina Power & Electricity Engineer Officers’ Association General Conference vawi 10-na Tourist Lodge, Chaltlanga hmanpuina-a a sawi a ni.
Chief Minister chuan tunlai khawvel thang chho zelah power awmlo chuan hmasawnna tak tak a awm theilo a ni a ti a. Chuvangin ram siamna kawngah a thawktu engineer rual kalkhawmte chu an pawimawhna hria a, uluk taka an hna thawk thin turin a chah a. Duhamna leh hmasialna in tibuai lo tur leh kuttlinglova sum siam tum lo turin a fuih a. Mizote chu mihring tlemte kan la nih avang leh chhung khat kual deuh vek kan la nih avangin kan inhre tawn vek a. Eiruk avanga hausa ta te pawh kan hre vek a, nuihsan nachangte pawh kan hre tan tawh a ni tiin, mi nuihzat tur atana awmlo turin engineerte chu a chah nawn a ni.
Pu Lal Thanhawla chuan India ram hmundang ang bawkin Mizoramah pawh mihring tam zawk chu thingtlanga cheng an ni a, chuvangin thingtlang khuate hi electric eng pek kan ngaihpawimawh hmasak a tul a ti a. Hemi lam ngaihtuah biktu scheme, RGGVY hnuaia project tam tak la puitlin loh te chu a hun taka peih thei tura hmala turin engineerte chu a ngen thar bawk a. Central sawrkarin ‘Kum 2012 ah mi zawng zawng tan Power’ tia hmachhawp a siam chu chak taka bawhzui turin a chah bawk a ni. Chief Minister chuan sorkar hnathawk ten hnathawh phurna an neih theina turin sorkar chuan a theih chin chinah hamthatna leh an thil phut te chu tih puitlin sak zel a tum a ni a ti a. Kan zavaia that tlanna tur anih phawt chuan thurawnte sorkar pe hrehlo turin Chief Minister chuan kalkhawmte chu a chah bawk a ni.
Chief Minister hian PEOA ina lehkhabu an tihchhuah thin “Kawlphetha” tih chu a tlangzarh bawk a ni.
Khualzahawm Pu Lalthanzara chuan pension ta te ngaihhruina thilpek a hlan a, thusawina hun a hmang bawk a ni.
Power & Electricity Engineer Officers’ Association (PEOA) hi April ni 20, kum 2000 khan din a ni a. Tunah hian member 118 awm mek zingah 97 te chu Electrical Wingah awmin, Civil Wingah 21 an awm bawk a ni.
Conference hi PEOA President Er. Jolly Newman an a kaihruai a ni.
Pu Lal Thanhawla chuan India ram hmundang ang bawkin Mizoramah pawh mihring tam zawk chu thingtlanga cheng an ni a, chuvangin thingtlang khuate hi electric eng pek kan ngaihpawimawh hmasak a tul a ti a. Hemi lam ngaihtuah biktu scheme, RGGVY hnuaia project tam tak la puitlin loh te chu a hun taka peih thei tura hmala turin engineerte chu a ngen thar bawk a. Central sawrkarin ‘Kum 2012 ah mi zawng zawng tan Power’ tia hmachhawp a siam chu chak taka bawhzui turin a chah bawk a ni. Chief Minister chuan sorkar hnathawk ten hnathawh phurna an neih theina turin sorkar chuan a theih chin chinah hamthatna leh an thil phut te chu tih puitlin sak zel a tum a ni a ti a. Kan zavaia that tlanna tur anih phawt chuan thurawnte sorkar pe hrehlo turin Chief Minister chuan kalkhawmte chu a chah bawk a ni.
Chief Minister hian PEOA ina lehkhabu an tihchhuah thin “Kawlphetha” tih chu a tlangzarh bawk a ni.
Khualzahawm Pu Lalthanzara chuan pension ta te ngaihhruina thilpek a hlan a, thusawina hun a hmang bawk a ni.
Power & Electricity Engineer Officers’ Association (PEOA) hi April ni 20, kum 2000 khan din a ni a. Tunah hian member 118 awm mek zingah 97 te chu Electrical Wingah awmin, Civil Wingah 21 an awm bawk a ni.
Conference hi PEOA President Er. Jolly Newman an a kaihruai a ni.
