No.1169/2021-2022

Aizawl 29th June 2021: Aizawl DC chuan Electric Veng hmun thenkhat Containment Zone/Area-a puan tawh chu hlih a nih thu a chhuah a. Hemi chungchanga DC thuchhuah chu a hnuai a mi ang a ni e.

The Mizoram Epidemic Diseases (CoVID-19) Regulations, 2020 Para 11(1)(b) behchhan leh he Office lehkha No.C.16011/298/2020-DC(A)/Lockdown Dt.10/05/2021 hmangin Electric Veng hmun thenkhat chu Containment Zone/Area-ah puan a lo ni tawh a. Tin, he Office lehkha No.C.16011/298/2020-DC(A)/Lockdown Dt. 05/06/2021, Dt. 11/06/2021 leh Dt. 24/06/2021 hmangin Containment Zone/Area puan tawhna hmun thenkhat chu sawrzim Order chhuah a lo ni tawh bawk.

Chief Medical Officer, Aizawl East in a zirchianna leh a tul anga hma a lak hnuin, Electric Veng (Bial 1)-na Containment Zone/Area hmun thehkhat chu ni sarih chhung CoVID-19 positive case thar an awm tawh loh avangin a vaia hlih rawtna a rawn thlen a. He rawtna ang hian Electric Veng (Bial 1)-na hmun thenkhat Containment Zone/Area-a lo puan tawh chu 28.06.2021 (Thawhtanni) Zan dar 10:00 atangin hlih a ni.

Containment Area hlih tur huamchhung :-
Bial 1 : Pu Lalchungnunga te Building atanga hmar lamah kal in Pu VL. Bela te chenna leh Pu Joseph Thansanga te chenna floor kal pheiin Pu Ngurremmawia Sailo leh Pu VL Vuana (L) te Building.

Heng area bak, Electric Veng hmun thenkhat a Containment Zone/Area-a lo puan tawhte chu Containment Zone/Area-a la puan chhunzawm a ni ang.

Covid-19 laka kan himna tur a sorkar kaihhruaina (SOP) siamte vengchhung mipuiten zawm tha chhunzawm zel tura hriattir an ni e.