No.834/2021-2022

Aizawl khawpui chhungah Covid-19 positive vei hmuhchhuah a pung zel a. Veng thenkhatah chuan Covid-19 punna hi a tam zualin, heng vengte dinhmun hi zirchian a nih hnuah Covid-19 hrileng darh zel tur venna atan Containment Zone/Area-a puan a ngai tih hmuh a ni a.

Chuvangin, regulation 11(1) of the Mizoram Epidemic Diseases (COVID-19) Regulations, 2020 behchhanin a hnuaia veng/hmun tarlan te hi ni 7.6.2021 zing dar 4:00 am atangin Containment Zone-ah puan a ni. 

Heng area chhungah hian Deputy Commissioner-in phalna a pekte, Medical duty, Security duty, helai hmuna duty pawimawh nei tura ruatte leh SOP for Containment Zone/Area vide Order No. 16011/298/2020-DC(A)/Lockdown dt. 6.5.2021 in phalna a pekte bak mi tumah an lutin an chhuak tur a ni lova, veng leh veng inkalpawhna kawng (main road) erawh chu ding lova tlan tlang phal a ni ang. Containment Zone-a hman tura siam inkaihhruaina (SOP) siam chu mitinin zawm vek tur a ni. 

Electric Veng (Containment area puan belh): 

Pu Lalchungnunga In atanga hmar lamah pheiin Pu VL Vuana(L) in a kal tlang a, step ah chhuk thlain Pi Biakkungi leh Pu Dala In inkarah a chhuk thla a, Electric Veng middle school kawmah pheiin, Pu Lalmuanpuia leh Pu C Zosanga In inkarah kaltlangin step ava pawh ang. Step lehlama Pu Vanlalngena(L) inchung ber leh a dawttu huam in luikawr ah a lut phei a, Pu Liannguava (L) in inchung ber pahnih huam lovin step-ah a lut chho ang a, Pu Lalchungnunga in ah a chhuak chho leh ang.  

Bawngkawn (Containment area puan belh): 

Saizahawla Section huam chhung zawng zawng 

Heng Containment Zone chhunga khawsa harsatna neite tan a hnuaia mite hi biakpawh theih an ni ang.