Vawiin chawhma dar 11 : 00 khan “Joint Electricity Regulatory Commission for Manipur & Mizoram” leh “Power & Electricity Department, Government of Mizoram te tangkawpin a an buatsaih “Electricity Consumers Awareness Workshop” chu DC’s Conference Hall Saiha-ah hlawhtling taka neih a ni.

He Workshop-ah hian kalkhawm te chawnglawmna thu Pu A.Chhawnmawia I.D.E.S.(RTD) chuan a sawi a, Pu John L.T.Sanga, Addl. D.C. Saiha District, Saiha chuan thu sawiin Consumer te hma ngaia hetiang Awareness Campaign neih a ni chu lawmawm a tih thu a sawi a. Consumer te hian kan dikna leh kan chanvo hi kan hriatchian a pawimawh a ni tiin, tunlai khawvelah Electric tel lovin mihring a khawsak theih tawh loh thu leh englai pawha kan nuna bet tlat anih thu a sawi bawk. Electric remchem a pawimawh thu sawiin khua leh tui tha chuan renchem takin Electric hi a hmang tur a ni, a ti bawk.

He Workshop-ah hian Er. Lalchharliana Pachuau Chief (Engineering) JERC (M&M) chuan “Supply Code & Consumer Grievances Redressal Regulation” tih thupui hmangin paper a present a. “Datermination of Tarrif” tih thupui hmangin Er. H.Lalthanthianga, Asst. Chief (Engineering) JERC(M&M) pawhin paper a present bawk. Er. R.Lalrema, Superintending Engineer, P&E Department chuan “Power Avail Ability and Sale of Energy in Mizoram Including Distribution Loss of Mizoram As Well As Position of Saiha Power Circle In The Above Point” tih thupui hmangin paper a present a, Engineer R.Lalchhanhima E.E P&E Saiha Division pawhin ‘Energy Important Sale, Distribution Loss etc. In Report of Saiha Division as a Whole and Saiha Sub-Division in Particular’ tih thupui hmangin paper a present bawk. Zawhna leh chhanna bakah huam zautaka sawihona hun te pawh hman a ni.He Workshop-ah hian Saiha khawpui chhunga Tlawmngai Pawl hrang hrang hruaitute, Village Council hrang hrang Memberte leh Thuthar thehdarhtu te mi thahnem tak an tel a. Pu Richard Zothankima, Assistant Secretary, JERC(M&M) chuan lawmthu sawina neiin he workshop hi a titawp a ni.