Kum 2018 General Election to State Assembly Mizorama neih turah hian Election Commission of India duhdan angin a vawikhatna turin hman a ni dawn a. ETPBS hi service voters (Armed Forces) state pawna awm te tan ralkhat atanga vote an thlak theihna tura a ruahman a ni. Sipai hmunpuiah an Record Officer theuh ten Service Voters Roll an kawl ang a. Chu chu DEO/DC office nen online hmanga inzawmin, username leh password login hran an nei theuh ang. Record Officer te pawh chutiang bawkin, midang tumahin an login sak theih lo.

Last date of withdrawal of candidates atangin ni 8 hmain, candidate(s) turte hming a chian veleh Returning Officer Mizorama miten Postal Ballot chu online in an thawn ang. Sipaite hmunpuia Record Officer theuh ten lo print in sipaite hnenah an sem ang a, an duhna zawnah an tick ang a (vote an thlak ang, an duh ber hming leh symbol zawnah an tick (thai ang). Chu chu envelope uluk taka siamsa ah thunin post (dak) pangngaiah anmahni Returning Officer, Mizoramah an thawn let ang. He service voter postal ballot vote hi vote chhiar ni hma ngeiin Concerned Returning Officer office a thleng tur a ni. ECI chuan ETPBS hi hmun kilkhawr leh ramri dep a awm sipaite vote thlak huna Mizoram haw thei lo ten an awmna atanga vote an thlak ve theih nan a ruahman sak a ni.