Vawiin khan DIET, Aizawl buatsaihin Aibawk Block Resource Centre Training Hall-ah Aizawl South Education Sub-division, Aizawl District hnuaia Elementary School Headmaster zawng zawngte tan ni 2 awh tur National Curriculum Framework (NCF) 2005 neih tan a ni a. Parliamentary Secretary, Agriculture etc. Pu K.S.Thanga chu Training hawnna inkhawmah Khuallian a ni.
Khuallian chuan thu sawiin NCF 2005 inghahna chu ‘Learning Without Burden’ (Phurrit la lova Zirna) a ni a, tuna zirlaiten lehkhabu chhung thu exam pass-na tura vawna an vawn tluk tlukna boruak rit tak ata sikul naupangte chhanchhuah hi a tum ber a ni, a ti. NCF duh dan angin sikula zirna pawh classroom chhunga inkhung reng lova, chhehvela thil awmte nen, tualzal nun nena zir kawpa, zirna hlimawm leh phurrit la lova zirna pek theih nan te, NCF 2005 tum hlen chhuak tura exam chungchang herrem thleng pawhin zirtirtuten an ngaihtuahna an siam rem a pawimawh dawn a, Teachers’ Association te pawhin sawihova hma an lak a sawt hle ang, a ti bawk. Ram leh hnam hmasawnna turin sikul atanga theihtawp chhuah a pawimawh hle a, chutiang turin zirtirtu zawng zawng te chu a duhsakna a hlan a ni.
He Training-ah hian Aibawk bial chhunga Elementary School Headmasters 47 chuang an tel a ni.
He Training-ah hian Aibawk bial chhunga Elementary School Headmasters 47 chuang an tel a ni.
