Excise & Narcotics Department chuan vawiin khan tunlaia damdawi hlauawm tak, Methamphetamine tablet 15,000(1Kg 602 gram) chu Ramthar Veng-ah an man a. A neitu Lalrimawia (42) s/o Hranglianchhuma, Haimual, Myanmar pawh man nghal a ni.
Heng damdawi, Methamphetamine te hi Myanmar atanga rawn lak, Aizawla hralh tura tih niin, tualchhung rate ah chuan Rs. 37,50,000/- (nuai sawmthum pasarih leh sing nga) man hu a chhut a ni.
END te hian an mi man hi Section 22 (c) of NDPS Act 1985 hnuaiah thubuai an siamsak nghal a ni.
Methamphetamine hi Pseudoephedrine atanga siam chhuah damdawi hlauhawm tak khawvelin a buaipui mek a ni.
