No.5938/2020-2021

Lunglei 9th Oct. 2020 : . Vawiin khan Er. C.Lalremsiama Engineer-in-Chief, PHED chuan Lunglei tlawhin PHE Deptt Lunglei ten an mamawh em em Electrical & Mechanical Store, GLWS Pialthleng ami leh PHE Conference Hall Lunglei Venglai a mi chu a hawng.

Hawnna inkhawm hi Er. Ngentluanga SE, Lunglei Circle in a kaihruaia, E-in-C, Er.C.Lalremsiama chuan PHE Deptt Lungleia thawktu te thawhrimna zara deptt Conference Hall tha tak mai leh Lunglei mipui te rin ber Tlawnglui tui pump chhuah kawnga mamawh pawimawh tak Electrical & Mechanical Store changtlung tak hawn theih a ni ta chu lawmawm a tih thu sawiin, Deptt hotute leh thawktu dangte inpekna fakawm a tih thu a sawi. Deptt atanga sum hman tur hranpa neilo chunga PHE Deptt Lungleia hotute remhriatna leh thahnemngaihna vanga Hall chu sak puitlin a ni thei chu midangte tan pawh entawn tlak tak nia a hriat thu Er.C.Lalremsiama chuan a sawi a ni.

Vawiina hawn tak Electrical & Mechanical Store, Pialthleng ami hi Tlawnglui pump chuahna tura hmanraw mamawh leh pawimawh bakah tui tihthianghlim na hmanrua dah thatna tur a siam a ni a, hei bakah hian PHED Lunglei ten tui pump kawnga an mamawh em em Diesel Engine Generator thar chu en nghalin a rang thei ang bera hman tgeih tura bun nghal turin thawktute a hrilh bawk.