IGNOU Regional Centre leh Mizoram Entrepreneur Network tangkawp ni hnih awh Entrepreneurship Workshop chu vawiin chawhnu khan zawhfel a ni ta a, Labour & Employment Minister Pu Lalrinliana Sailo chuan workshop hi a khar a ni.
Kharna thuchah a sawinaah Minister chuan hetianga mitlawmngai leh thalaite tana eizawnna tling dap tura ke pen pawl ten workshop manhla tak an buatsaih chu sorkar tan chona lian tak a ni tiin sorkar-te nen pawha hun remchang dangah workshop buatsaih leh a duh thu a tarlang. Labour & Employment lamah thawh tur tam tak a awm thu sawiin Budget pawh tih pun tum a ni ang a ti a. Thalai lehkhathiam leh thiam lo te tana eizawnna tling kawng kawhhmuh chu sorkar-in a ngaihpawimawh takzet dawn a ni a ti.
Workshop kharna ah hian workshop chhimtute zing atangin thu tawi sawi leh IGNOU Regional Director Dr. S.R. Zonuntharan workshop kalphung chanchin a sawi.
