Vawiin khan Environment & Forests Minister Pu Lalrinmawia Ralte chuan Environment & Forests Department hmalakna hmun hrang hrang – Aizawl Zoological Park, Sairang a Departmental Nursery, Lengpui a National Bamboo Mission Nursery leh Value Additional Centre (Bamboo Setum)-te a tlawh a. Department hmalakna hrang hrang te enpuiiin, hmasawn zawka kalpui dan tur te leh, tangkai zawka hman leh chher a nih theih dan tur te Department hotute a sawipui nghal bawk.

Minister hi MLA Pu Chalrosanga leh PCCF Pu J.L. Singh bakah senior officer ten an tawiawm a ni. Minister-in he hun a hmannaah hian Aizawl Zoological Park chu chipchiar takin a fang a. He Sahuan enkawltu State Wildlife Advisory Board ten a rawtna an siamte zinga fee tihsan chungchang thu leh, Mizoram leh a chhunga mi chengte mil thei ang ber a Sahuan tihchangtlun a duh thu a sawi bawk. Minister hian Lengpui National Bamboo Mission Nursery leh Value Addition Centre (Bamboo Setum) a tlawhnaah Rihnim thing a phun bawk a ni.

Aizawl Sahuanah hian India leh Asia ram huap pawha hmalakna chhuanawm khawp ramsa inthlahpunna chi li kalpui a ni a. Chung zingah chuan Hauhuk, Vavu leh Zawng Mawt inthlahpunna hlawhtling taka kalpui tawh niin, tunah hian Satel inthlahpunna tur kalpui leh mek a ni. He Conservation Breeding Centre hi tihchangtlun zel tum a ni bawk.