No.6402/2020-2021

Dated Champhai, the 29th October, 2020: Champhai District chhungah mimal tuten emaw Electoral Photo Identity Card (EPIC) siam danglam leh EPIC lem a tak ang takin an siamchhuak thin tih hriat a ni a. Hetiang phalna nei lova thil titute hian Election Commission of India (ECI) in thianghlim leh him taka EPIC scheme a kalpui mek dan an bawhchhia mai ni lovin, mipui te’n Election Commission of India an rinna nasa taka a tihchhiat theih avangin pawi lian tham tak an khawih a ni.

Heng thil thleng duhawmlote avang hian Pi Maria C.T Zuali, District Election Officer, Champhai District chuan sawrkar hriatpuiloh leh dan lova Online/ Offline hmanga EPIC siam, khawihchingpen leh pek chhuah reng reng khap anih thu a chhuah a. Dan bawhchhiate chungah dan ang taka hremna lekkawh anih theihna turin hetiang ti thin hriate chu FIR thehlut tur leh FIR copy chu District thuneitute hnena thlen turin Champhai district mipuite a hriattir a ni.