3137/2022-2023 

Mamit 23rd December, 2022 : Nizan khan Rawpuichhip Community Hall-ah Er. H. Lalzirliana, Mamit bialtu MLA, Vice Chairman, Road & Infrustructure Develoment Board chuan Rawpuichhip GSA-in a buatsaih Football tournament, Winter Cup kick off-in khuallian niin hun a hmanpui.

Khuallian chuan zirlaite leh infiammite chu khawtlang leh ram hmasawnna atan an pawimawhzia leh zirna hi infiamna nen thianghlim taka a kalpui theih thu a sawi a. Mizo thalaite tana Mizoram Sorkarin hma a lakna te a ropui em em a, District sport complex din dan leh thalaite tana infiamna khawvela Sports Minister zahawm tak Pu Robert Romawia Royte hmalakna zarah Mizoram-ah Sports Revolution a thleng mek a ni a ti.

Mamit District chhungah Sports-ah hmasawnna tur kan la ngah a, Zirna leh kan thalaite nunah Mental fitness kan tuh zel theihna atan tangrual a, thawkho turin thalai kalkhawm te chu a sawm bawk. 

MLA hian thalai kalkhawmte tan Quiz hlimawm tak a buatsaih nghal a, lawmman tha tak tak a keng tel a ni. Hei bakah hian Krismas thilpek thalaite tan a pe bawk. GSA Rawpuichhip leh Govt. High School Rawpuichhip te hnenah thil pek thahnem tak a hlan nghal bawk a ni.

Rawpuichhip Winter Cup Kick-off hi Pu Lalpianruala, Vice Chairman, Organising Board chuan kaihruaiin, Tv. Samuel Lalremthanga Asst.Secy hnen atangin report ngaihthlak a ni a. Pu K. Lalrinkima Chairman, Org.Board chuan fuihna thu a sawi bawk a ni.

He Winter Cup 2022 hi December Ni 27 atanga Ni 29 inkara khelh tura ruahman a ni.

Attachment

  • Loading attachment...