Mizoram Legislative Assembly hnuaia Estimates Committee chuan Industries Department hmalakna hrang hrang Bamboo Wood Park, Zamuang, Zawlnuam; Bamboo Wholesale &Retail Market, Bungthuam; EPIP Lengte; Plant &Machinery Chuhvel chipping unit; Bamboo Technology Park Sairang leh Venus Bamboo Sairangte tlawha January 23-a zin an tum chu remchan zawkna avangin February ni 3 leh ni 4 ah sawn a ni.

Estimates Committee Chairman hi Pu Lalrinliana Sailo niin member te chu Dr.Ngurdingliana, Pu Vanlalzawma, Pu T.Sangkunga, Pu R.Vanlalvena leh Pi Vanlalawmpuii Chawngthu te an ni a. Anni bakah hian a kaihhnawih department official te leh Assembly Secretariat-a Official te’n an tawiawm dawn a ni. February ni 3 hian Aizawl chhuahsanin Kolasib an pan ang a, Zawlnuamah zan riakin a tuk tlai dar 4 ah Aizawl panin an lo chhuak dawn a ni.