Ethics Committee chu vawiin khan Chief Minister Office's Conference Hall-ah thukhawmin, Chairman tur leh Secretary tur anmahni memberte atangin an inthlang.

Sorkarin Ethics Committee a din thar leh tak hian meeting hmasa ber an neih tum khan member an kim loh avangin Chairman tur leh Secretary tur thlanna nei lovin, vawiin meeting vawi hnihnaah hian secret ballot-in an inthlang fel ta a. Inthlanna Pu L.R.Thanga, Principal Secretary to Chief Minister leh Pu John L.T.Sanga, Private Secretary to Chief Minister te kaihhruaina hnuaia neih ah hian Chairman atan Rev C.Rosiama chu thlan a ni a, Secretary atan Maj. J.Thanruma chu thlan a ni bawk. Inthlanna neih fel zawh hnu hian Chairman thar Rev C.Rosiama kaihhruaina hnuaiah meeting an nei chhunzawm nghal a ni.