Nimin khan District Election Office Lunglei leh Leitlang Lightning Blullet Club te tangkawp buatsaihin EVM leh VVPAT Street Awareness Campaign Lunglei khaw chhung hmun pawimawh hrang hrang ah te neih a ni. Awareness Campaign hi Dr. Ankita Chakravarty IAS, Deputy Commisioner Lunglei  chuan DC Office kawt zawl atangin a vai liam.

Awareness Campaign inkhawm hi Dr.Peter Malsawmtluanga SDC in kaihhruaiin Dr.Ankita Chakravarty chuan Election Commision Of India chuan kan hma lawka Mizoram Legislative Assembly in thlanna fel fai kan neih theih nan leh inpuahchah nan EVM leh  VVPAT Awareness Campaign chu buatsaih a nih thu kalkhawmte a hrilh a. Leitlang Lightning Bullet Club te chungah lawmthu sawiin khua leh tui kan nih ang in Vote nei ten rorel tu tur kan thlan hi kan dikna leh kan tih tur a ni a ti bawk. 

Pu C.Laldingliana leh Pu Benjamin L.  Chhangte Master Trainer ten EVM leh VVPAT rin tlak leh pawm tlak a nih zia mipui te zirtirin  Vote thlak chhin tir an ni. Leitlang Lightning Bullet Club member ten mipui a tam thei ang ber te hnen ah EVM leh VVPAT hman dan tur hrilh fiahna pamphlet semna an nei a ni.

CR Laldingliani SVEEP Icon in mipui te zaiin a awi bawk a ni