Electronic Voting Machine (EVM) leh  Voter Verifiable Paper Audit Trail (VVPAT) te hi Indian democracy chhuanvawr an ni. General Elections of State Assemblies 113 leh Lok Sabha Elections 3 neih tawhah Polling Stations nuai 10-ah te EVM hmangin kum 2000 atangin hlawhtling taka inthlanna lo neih tawh a ni. Tun hnaiah hian EVM bakah Voter Verifiable Paper Audit Trail (VVPAT) hman tura ruahman a ni. VVPAT hman tel a ni fur hian mipui (voter) ah pawh rintawkna a siam a ni.

VVPAT hi printer khawl hran niin Electronic Voting Machine (EVM) ah thlun zawm a ni a. Vote thlaktuten EVM-a an vote thlakna ngeiah vote a tla em tih an hriat nghal theihna khawl a ni.

VVPAT: NGAIHDAN TLANGLAWN LEH A NIHNA DIKTAK CHU : 

Ngaihdan 1 : VVPAT slip chu voter in a la ang. 

A nihna diktak : Dik lo. Voter ten VVPAT slip chu an khawih thei lo. Amaherawhchu, screen langtlang thei phenah voter ten second sarih chhung an hmu thei. Second sarih a ral hnuah chung slip chu VVPAT sealed compartment ah an tla lut dawn a ni.

Ngaihdan 2 : VVPAT print te hi ni 15 atanga ni 30 chhung bak an daih thei lo. 

A nihna dik tak : Dik lo. Thermal paper hman a ni a, kum 5 chuang an daih thei a ni.

Ngaihdan 3: VVPAT khawl hian voter-te thla a lo laksak thin a, hei hian vote a ruka thlak a tikhawlo thin. 

A nihna dik tak : Dik lo. VVPAT hian camera a nei io hiirn hrim a. Voter thla laksak a theih loh.

Ngaihdan 4 : Section Commission hian Lok Sabha inthlan lo awm tur 2019 a neih turah VVsPAT khawl, polling station zawng zawng a hman tur a nei daih lo. 

A nihna dik tak :      Dik lo. ECI hian VVPAT leh EVM hi za a za-in polling stations zawng zawnga hmang turin a in commit a ni, Parliament bakah State Legislative Assembly Elections lo la awm turah te a hmang zel dawn a ni. 

Ngaihdan 5 : Vote thlak lain VVPAT tarn tak an chhe thin a, vote thlak tihtawp a ngai hial thin.

A nihna dik tak :  Dik lo. VVPAT khawl hna thawk lo thut vote thlak laia awm hi a tarn lo hie mai. Amaherawhchu, hetiang hi a lo awm anih chuan a thlaktu khawl (reserve) dah reng a ni.

Tunhma inthlan a thleng thin Booth capturing te, ballot paper chhiar hun rei em em te, tihkhawtlai (delay) te kha EVM hman hian a titawp ta. Vote chhiar hian tunah chuan darkar 3 atanga darkar 6 chauh a ni tawh. Tunhma chuan darkar 24-48 te a ngaih thin kha. Tunhma ballot paper hman laite khan Assembly Constituency a vote tla zinga vote tam tak chu invalid vote (vote thi) a awm thin. He vote thi hi hmun tam takah chuan winning margin aiin a sang hial thin. EVM hman hnu chuan, invalid vote a awm thei lo.

EVM leh VVPAT te hi PSU hmun hnih - ECIL (Electronics Corporation of India Limited) leh BEL (Bharat Electronics Limited) ah chiah mithiamten uluk taka an enpuina hnuaiah leh Independent Technical Expert Committee te thiamna hmanga siam chhuah an ni. Tihdanglam theih an ni lo.

State Assembly Constituency 933 leh Parliamentary Constituency 18-ah te VVPAT hi hman a lo ni tawh a. Tun thleng hian State pasarih, viz, Goa, Himachal Pradesh, Gujarat, Meghalaya, Nagaland, Tripura leh Karnataka General Elections (2017-2018) ah khan Assembly Constituency zawng zawnga Polling Stations zawng zawngah hman an ni bawk.