Excise & Narcotics Department (END) chuan 23 January, 2014 (Ningani) tlai dar 3:00 khan Manbawih (34) d/o Khuangin, Taziankuan, Tahan, Myanmar kut atangin Heroin 12 grams penicilin bur 34 a dah chu an man.

Manbawih chuan heng Heroin hi Tahan, Myanmar atanga a lak, Aizawl-a hralh tura a rawn ken thlak niin a sawi. 23 Januar, 2014 tlai lama hralhna tur a zawn mek laiin Excise & Narcotics Department hian an lo man ta a ni.

Excise & Narcotics Department hian Mambawih hi Section 21(b) of the Narcotics Drugs & Psychotropic Substances Act, 1985 (NDPS Act) hnuaiah thubuai an siam sak a, Judicial Remand-in Central Jail ah thawn nghal a ni.