3923/2024-2025

Dated Hnahthial, the 23rd January, 2025: Vawiin chawhnu dar 01:30 khan Hnahthial DC Conference Hall-ah Excise & Narcotics Station, Hnahthial District chuan Hnahthial District chhunga High School leh Higher Secondary School zirlai naupangte tan Ruihhlo ti lo tura inzirtirna - Drugs Awareness Campaign neih a ni a. He hun hi Officer-in-Charge, Pu C. Lianchungnunga, Inspector, END chuan khuh hawnna neiin Resource Person, Pu Hmingthanzuala, Jehova Jire Camping Centre neitu leh President, Sub Hqrs YMA, Hnahthial ni bawk chuan zirlaite hnenah Drugs that lohzia zirtirna a pe a ni.

Resource Person, Pu Hmingthanzuala chuan zirlai naupangte hnenah chuan Home a enkawl tawhna tawnhriat atanga thil lang chiang ber chu tihchhin pawizia hi a ni a ti a. Ngawl vei kan tihte hian sim duh viau thin mah se vawi khat an lo tih chhin tawhna khan ngawl veiah siamin an sim theih tawh loh phah thin a ni a ti a. Thalai, zirlai kalkhawmte ang rual chu fimkhur lehzual tura chahin an ni ang rual, taksa chak lai tak hian tih ve chhin chakna a hluar thin hle a. Chuvang tak chuan tam tak chu High School leh Higher Secondary School rual an nih atang hian ruihhlo an ti chho tan thin a ni a ti bawk.

Mizorama ruihhlo hluar ber zing ami chu No.4 hi anih thu sawiin rim a neih ve loh avang leh a thawh dan pawn lamah a lan chhuah nghal mai loh avang hian mi tam tak chuan a rukin an ti thin a ni a ti a.  Central YMA tarlan dan chuan Hnahthial District hi khawchhak lam atanga No. 4 rawn chawk luhna kalkawng lian ber a nih thu sawiin zirlai naupang kalkhawmte chu vawi khat pawh ti ve chhin miah lo tura an fimkhur lehzual a tul thu a sawi a ni.

Resource Person chuan Powerpoint presentation hmangin drugs in mi a nghawng dan zirlaite chu entir in kan nih tum ang min nih tir thei lotu, Drugs hi ti ve chhin miah lo turin a chah a ni. 

Programme neih zawh hnu hian zirlai naupang kalkhawmte hnenah an hming ziak a, Drugs ti ve chhin miah lo tura intiamna lehkha, Excise and Narcotics Commissioner sign hnan chu an pe a ni.