Mizoram Excise & Narcotics Department, Champhai District leh Joint Action Committee (JAC), Hnahlan te tangkawp chuan 15th September, 2014 (Thawhtanni) zan khan Hnahlan-ah Ganja 20 Kgs an man.

Ganja neitu, Goniangi (33) d/o Zakhama, Lingthuk khua, Tidddim, Myanmar pawh a hmunah hian an man nghal a ni. Ganja neitu Goniangi hi The Narcotics Drugs & Psychotropic Substances Act, 1985 (NDPS Act) hnuaiah thubuai siamsak a ni.

Tukin zing dar 5:30 AM khan Excise & Narcotics Anti-Narcotics Squad te chuan McDowell’s Rum bottle 1373 um puitling 750ml chu an man bawk a. Zu hi local market rate-ah chuan Rs 5,49,200/- nia chhut a ni. A zu phurhna motor 207 Regn. No. MZ-05/3959 pawh an man tel a. Zu neitu Lalsangzuali (42) D/o Siamliama, Khuangpuilam, Kolasib leh Lalruatdika (27) S/o Lalkunga, Thingdawl High School Veng nia inchhal te chu an man tel bawk. Anni hi MLTP Act hnuaiah thubuai siamsak an ni.

Lalsangzuali leh Lalruatdika te zu Rum 1373 bottle te hi Kolasib atanga rawn phur chhoin Aizawl-a tihral/hralh tura rawn phur an nih thu an inpuang a ni.