4837/2025-2026

Dated Hnahthial, the 16th March, 2026: Mizoram Excise & Narcotics Department Kum 50 tlin lawmna champha - Golden Jubilee chu Assistant Commissioner of Excise & Narcotics, Hnahthial District Office chuan vawiin khan an pisa ah lawmna hun an hmang a. Pu Malsawmdawngzela, Asst. Commissioner of Excise, Hnahthial District chuan khuallian niin Jubilee hriat rengna lungphum chu a hawng.

Pu Malsawmdawngzela chuan Mizoram-a Excise & Narcotics Department din a nih chhoh dan sawiin Hnahthial Excise & Narcotics Office dinhmun tlangpui a tlarlang a. Kum 2024 December ni 13-ah Hnahthial Excise Station chu hawn a nih thu leh chutah chuan Officer in-Charge hovin thawktu paruk an awm thu a tarlang a. Hun reilo te hnuah sawrkar chuan Hnahthial District Excise Office chu ti changtlung zelin tunah chuan Asst. Commissioner hona hnuaiah thawktu sawm (10) an awm mek thu a tarlang a ni.

Hnahthial-a Excise Office hawn a nih atangin March ni 15 thleng khan Rakzu litre 4867, Heroin No. 4 gram 321, Ganja gram 70, zu bilh lai tin 25; Indian Made Foreign Liquor bottle 39 (750 ml each); Beer can 74; Pot pahnih (2) leh Cough Syrup phials 558 te an man tawh thu a tarlang a. Hemi kaihhnawih hian lirthei pakua (LMV – 5 leh TWO WHEELER – 4) leh Mobile Phone pakhat man a nih tawh thu a tarlang bawk.

MLP Act 2019 hnuaiah Case 247 ziaklut tawhin hemi kaihhnawiah tho hian mi 239 man an ni tawh a. ND&PS Act hnuaiah case pali (4) ziaklut in hemi kaihhnawihah hian mi panga (5) an man tawh bawk.

Ruihhlo do leh a manna kawngah hian mitinte thawhpuiah Asst. Commissioner chuan a sawm nghal a ni.