Nimin tlai dar 5:30 khan Mizoram Excise & Narcotics Department (END) chuan Bagha, Cachar District, Assam atang rawn phurh chhoh, Pseudo-Ephedrine damdawi khehsa 367 Kgs (31,89,964 tablets) chu Vanlalhlima (25) s/o B. Lalrinawma, Kelkang, Champhai District inti leh Chhandamkima (24) s/o Vanlalchhunga, Farkawn, Champhai District intite hnen atangin an man.

Mizoram Excise & Narcotics te hian Vairengte Excise & Narcotics Check Gate-ah Truck pakhat (Regd No MZ01 B-2419) chu ringhlelin an lo check a. Truck hnungah chuan Brick 5000 zet leh Cement Bag 20 an phur a. Chumi hnuaiah chuan heng damdawite hi an lo thukru a ni. Heng Pseudo-Ephedrine damdawite hi Bagha bula an lak chhawn, Myanmar lama thawn chhoh tur niin Vanlalhlima leh Chhandamkima te hian an sawi. An pahnih hian Section 25 “A” of NDPS Act 1985 hnuaiah thubuai siamsak an ni.

Vairengte-ah tho hian 8th October, 2013 (Thawhlehni) zing dar 2:00 khan Truck pakhat (Regd No AS-1 l-B/0781) atangin Pseudo-Ephedrine damdawi khehsa 120.750 Kgs zet man a ni bawk. Heng damdawite hi Truck hnungah Tel leh Motor Oil chi hrang hrang hnuaia buara bag 5-ah thuhruk an ni. He case hi chhui chian mek a ni.