Vawiin chhun khan Aizawl District Excise & Narcotics staff te chuan Chhinga Veng hmun 8 atangin Myanmar lam siam Apple leh Grape wine um 4848 (Sangli zariat sawmli pariat) 650 ml hlir an man a, Magistrate order angin leihbuak/tihchhiat nghal a ni. Hemi a inhnamhnawih nia hriat mi paruk :- (1) Ramluahpuia (29), S/o Biakthuama, Chhinga Veng, Aizawl, (2) Lucy Lalengpuii (28), D/o Thlamuana, Falam , Myanmar, (Chhinga Veng, Aizawl a khawsa), (3) Johny Lalpekliana (21), S/o Lalthuammawia, Tahan ‘C’ Group, Myanmar (Chhinga veng, Aizawl, H/No. A-2/9 a khawsa) (4) Lalrokhumi Zadeng (38), D/o Lalthlira, Hmuntha, Myanmar (Chhinga Veng, Aizawl-a khawsa) (5) Lalenthanga (37) S/o Lalhmunsiama, Dawrpui Vengthar (6) K. Liansanga (36), S/o Vanthuama (L), Chhinga Veng, Aizawl, H/No. A-2/9 a khawsa te chu man nghal in MLTP Act1995 hnuaiah thubuai an siamsak nghal a ni. Heng thil man te hi tualchhung rate ah chuan Rs. 7,27,200/- hu vel a chhut a ni.

Aizawl District Excise & Narcotics staff te hian tun thla tir lam khan hetiang ang wine hi tumhnih (1040 litres) man tawhin a neitu ni a hriat te chu thubuai an lo siamsak tawh a ni.

Heng apple leh Grape Wine khawchhak atanga lo kal hi tunlaiin School naupang leh thalai tam tak ten ruih nan an hmang nasa hle ni a hriat a ni.