Chief Electoral Officer, Mizoram chuan vawiin 23rd November, 2018 (Zirtawpni) khan Thuchhuah siamin Election Commission of India thupek angin Legislative Assemblies of Chhatisgarh, Madhya Pradesh, Rajasthan, Mizoram leh Telangana Inthlan, 2018 chhung hian Section 126A of the Representation of the People Act, 1951-in a sawi angin, ni 12.11.2018 dar 7:00AM atanga ni 7.12.2018 dar 5:30PM inkarah inthlan kaihhnawiha ‘exit poll’ eng ang chi mah siam phal a ni lova, chutiang exit poll chu print emaw electronic media kaltlanga mipuite hriat tura puanzar phal a ni lo bawk.

Chutiang bawkin, Section 126(1)(b) of the Representation of the People Act, 1951-in a khap angin inthlan kaihhnawiha ‘opinion poll’ siam a, print leh electronic media kal tlanga opinion poll result tarchhuah phal a ni lo a. He khapna thupek hian thu chhuah ni 8th November, 2018 atanga inthlan zawhfel (conclusion of poll) a nih hma darkar 48 chhung a huam ang.