7/2024-2025
Aizawl, 1st April, 2024 : Election Commission of India chuan R.P. Act, 1951 hnuaia Section 126A, sub-section (1) in thuneihna a pek tlawhchhanin April ni 19, 2024 (zirtawpni) zing dar 7:00 atanga June ni 1, 2024 (inrinni) tlai dar 6:30 inkar hian Exit Poll result tarlan a khap a, he khapna hian print leh electronic media zawng zawng bakah chanchin thehdarhna hmanrua hrim hrim a huam a ni. He thupek bawhchhiate chu pawisa chawi tir emaw, kum hnih thleng lung in tan tir emaw he hremna chihnih inkawpa hrem theih an ni.
Election Commission of India chuan R.P. Act, 1951 hnuaia Section 126(1)(b) tlawhchhanin inthlan zawh hun (darkar tawp ber) a ruat atanga chhiar let a darkar 48 chhung chu electronic media kaltlanga inthlan kaihhnawih mipui ngaihdan lakna (opinion poll etc) tarlan a khap bawk a ni.
