Nimin khan District Sport & Youth Service Department, Lunglei bultumin Expedition of Mizo Historical place at Khawchhak tlangdung 6th - 12th,February, 2013 chu Pu S.Laldingliana, Parliamenmtary Secretary chuan DS&YO Office kawt atangin a vailiam.

Inkhawm tawi neih hi Pu J.Vansangzuala, DS&YO in kaihruaiin Pu S. Dinga chuan thusawiin DS&YO in Historical Place tlawhna hun a siam sak avangin a lawm a. Mizo thil hlui hmuhna remchang in nei thei hi adventure club te in vannei hle a ni,a ti a. Pu Dinga chuan Mizo thil hlui te vawng tha a, hlut turin a duh a, anihna ang anga a lan hian a hlutna a ti zual a ni, a ti . Adventure hi midangte tih hmuhtu ah tang theuh turin a duh a, thian te hrilh hre turin a duh bawk .

He expedition ah hian Club 15 atangin member 30 leh official 2 an kal a ni. An tlawh turte chu:- Selesih sangsarih khua, Hla kungpui mual, Kungawrhi puk, Milu puk , Mualzavata tahreuh leh Chhura chi rawt lung, Fiara tui(Farkawn ram ami), Thasiama Seno neihna, Fiara tui (Vaphai ami), Tantlang, Lianchhiari Lunglen tlang leh Pasal tha mual, Thlan ropui, Rihdil, Chhura fa rep, Hmuifang Park leh Vantawng khawhthla te a ni.