MP inthlanna awm tur atana Lunglei, Lawngtlai leh Saiha District te viltu Expenditure Observer Pu L. Hangsing, IA&AS chuan nimin khan Chawngte tlawhin Chawngte leh a chhehvela inthlanna kalpui dan a en.

Expenditure Observer hian a thawh hnih nan a bial chhung khaw hrang hrangte fang kual lehin tun tum hian District pathum chhunga khaw lian zual thenkhat a tlawh hlawm a. Nimin khan Lunglei atangin Chawngte a lut a, Chawngteah hian riakin Chawngte bial Accounting team te hnathawh dan enpuiin hma lak zel dan turte a sawi pui a ni.

Expenditure Observer hi Pu Rothuama Tochhawng, MFAS, Chawngte Treasury Officer; Assistant Expenditure Observer Chawngte Bial ni bawk leh Lawngtlai District Accounting Team ten lo dawng sawngin an hma laknate an lo hrilhfiah a ni. Expenditure Observer hian vawiin hian Lawngtlai pan nghalin tlai lamah Lawngtlai District Election Expenditure enkawltu Team hrang hrangte Meeting a neihpui leh ang.