No.1180/2020-2020
15.5.2020 zan lamah khan social media platform facebook-ah mi pakhatin thu dik lo ‘Khatla North Quarantined Positive 1 an awm ta maw, engzah tak awm ang maw rawn haw ho mi 10,000 zingah hian… Kan sawrkar chak tak hian a puang vat vat turah ngai ilang’ tih a ziak a. He thu dik lo leh dawt hian mipui tam tak a ti chiai a. He thu facebook a lo lang hi a screen shot (thlalak) pawh whatsapp group hrang hrangah a darh nghe nghe a ni. Mipui a tih chiai em avangin khawtlang aiawhin venghruaitu pakhat chuan Aizawl Police station ah FIR a thehlut nghe nghe.
He thu hi chhui nghal a ni a. 15.5.2020 khan Khatla veng mi, Chennai atanga lo haw zingah Rapid Antibody Test ah antibody IgG reactive a awm avangin fimkhur thuah ZMC, Falkawn lamah RT-PCR (COVID-19 test-na) tura lak phei a ni a. 16.5.2020 khan a result chhuak nghalin COVID-19 a vei lo tih hriat a nih hnuah 16.5.2020 vek khan Khatla-a Community Quarantine Facility ah dah let leh a ni.
Rapid Antibody Test (RAT)-a antibody IgG reactive hi COVID-19 vei tihna a ni lo a. Antibody test-na chauh a nih avangin COVID-19 vei anga sawi hi thu dik lo a ni a. COVID-19 positive anga sawi hian mipui a tichiai bawk a ni. He thudik lo leh dawt hi hriat chhuah a ni a. Chief Judicial Magistrate, Aizawl hnenah cognizance leh warrant of arrest lak a nih hnuah he thudik lo post tu mipa kum 33 mi Bungkawn, Aizawl a cheng lakah Aizawl Police station Case No. 212/2020 Dt. 17.5.2020 U/s 505(1)(b) IPC R/w 54 DM Act hmanga thu buai siam a ni.18.5.2020 khan Police station ah man niin judicial custody turin Aizawl District Court ah thawn a ni.
Mipui rilru a dik lo zawng a hruai thei leh mipui tichiai a, thu dik tluantling lo leh thubelhchian dawl lo thehdarh hian nghawng tha lo tak a nei thei a. Mipuite i fimkhur tlang theuh ang u.
