Vawiin khan Mizoram State Bharat Scouts & Guides chuan Faina Hapta denchhenin, Aizawl Municipal Council leh AYUSH bultumin “Cleanliness Drive” a buatsaih a. He Faina Beihpui hi Sipai Lammualah kharna inkhawm buatsaih niin, Pi K. Lalliantluangi, State Secretary-in a kaihruai a, Pu Lalzirmawia Chhangte, State Chief Commissioner leh Dr. C. Lallunghnema, State Headquarters Commissioner (Scout) ten thu an sawi.

State Chief Commissioner Pu Lalzirmawia Chhangte chuan Scouts & Guides kalkhawmte chu Faina Hapta hman ngai tawhlo khawpa faina nunpui turin a fuih a ni.

He huna thusawitu dang Dr. C. Lallunghnema chuan ram hmasawn tur chuan mihringte kan hrisel a ngai a, hrisel tur chuan kan fai a ngai a ni, tiin, faina hi hapta puan chhung chauh ni lova damchhhung a vawn a nih theih a beisei thu a sawi bawk.

Faina Beihpuiah hian Aizawl khawpui chhunga Cub, Bulbul, Guide, Rover leh Ranger unit 33 atangin member 1,200 rual an thawk chhuak a. Aizawl khawpui dunga bawlhhlawh chhar faiin Sipai Lammualah an intawk khawm a. Bawlhhlawh chharkhawmte hi polythene bag-ah khungkhawmin, AMC-in a buatsaih bawlhhlawh paih motor hmanga paih leh a ni.

Attachment

  • Loading attachment...