Kolasib-ah ‘Faina Hapta hman dan tur relin vawiin khan DC Conference Hall-ah District Bawrsap, Pu H. Lalengmawia IAS hovin Official te leh khawtlang hruaitute an thukhawm.

Kumin ‘Faina Hapta’ hi 3rd October, 2016-ah hman tan tura rel niin, hawnna inkhawm hi Venglai-a Mahatma Gandhi lim bulah zin dar 7:00 ah District Bawrsap hovin neih a ni ang a. He Hapta pual hian fai lawmman - School, Veng, Office, Hotel-Restaurant leh Home te tan buatsaih a ni dawn bakah, faina chungchanga hla inphuahsiak leh ‘Faina, Hriselna leh Hmasawnna Rahbi’ tih thupui hmangin Essay inziahsiak buatsaih a ni bawk ang. Faina Hapta chhung hian V.C. ten vantlang inkhawm kohin Faina chungchanga inzirtirna neih a ni ang a. Ran khuahkhirh chungchanga in hrilhhriat thar na bakah Vengtin leh mimal tin ten mahni in leh a chhevel tifai tura hriattir an ni bawk ang.