No.5625/2020-2021
Mahatma Gandhi pian champha vawi 151-na pualin October ni 2, 2020 zing dar 08:30 hian Urban Development & Poverty Alleviation Department hnuaia Swachh Bharat Mission (Urban) hmalaknain Faina Hapta (Cleanliness Week) leh Mizoram Khawpui Fai Intihsiakna (Mizoram Cleanliness Competition) 2020 hawnna inkhawm Aijal Club-ah neih a ni dawn a.
He hun hi Deputy Chief Minister leh UD & PA changtu ni bawk Pu Tawnluia chuan khuallian niin a hmanpui ang.
He hun hi Pu Lalruatkima, Minister of State chuan khual zahawm niin a hmanpui bawk ang. Faina Hapta hi October ni 2 atanga October ni 9 thleng neih tura ruahman a ni a. Hemi chhung hian sawrkar pisa, zirna in, damdawiin, bazar leh mahni veng theuhah Faina Hapta hman tur a ni ang.
He hawnna inkhawmah hian Ministry of Housing & Urban Affairs in a buatsaih thin, India khawpui fai endikna, Swachh Survekshan chungchanga inhrilhhriatna neih a ni bawk ang.
