Vawiin chawhma dar 11 : 00 khan D.Cs Conference Hall, Saiha-ah Faina Hapta "Cleanliness Week" hman mek denchhenin High School leh Higher Secondary School naupang ten Debate Competition an nei.

He Debate Competition-ah hian Saiha khawpui chhunga High School leh Higher Secondary School hrang hrang pasarih atangin zirlai naupang pahnih theuh ten 'Saiha khawpui hi a fai tawk ani' tih thupui hmangin Debate Competition hi an nei a, Pu V.Lalhmingliana, District Education Officer, Saiha District,Saiha chuan Speaker niin he Debate Competition hi a kaihruai ani. Hawnna thuchah tawi Pu H.Lalhmingthanga, Election Officer, Saiha chuan sawiin he Competition hi zirna atana hmang tangkai tur leh kan thiamnate ram leh hnam tana chhawrnahawm a hmang tangkai thiam turin zirlaite chu a chah a. District chhung hmasawnna atana programme pawimawh tak hman ani thei chu lawmawm a tih thu a sawi bawk. He Debate ah hian heng School hrang hrang Foxall Higher Secondary School, Government Higher Secondary School, E.C.M. Higher Secondary School, Government High School, Elim Public School, Hill Gate School leh New Colony High School te an tel a ni. Faina Hapta-2010 puala Debate Competition ah hian P.C. Lalhlimpuii, Elim Public School chu pakhatna a ni a, pahnihna chu Famina Hlychho, Hill Gate School niin pathumna chu B.Lalsawmliana, Government High School a ni. He Competion a ti tha te hi Faina Hapta kharna inkhawm Dt 8.10.2010-a Laila Hall, College Veng Saiha-a neih turah lawmman hlan an ni dawn a ni.