October 3 - 10, 2011 inkara hman tur ‘Faina Hapta’ hman dan tur chungchang ngaihtuahin vawiin chawhma dar 10:30 khan DCs Conference Hall, Saiha ah meeting neih a ni.
He meeting hi Pu V. Lalengmawia, SDO (S), Saiha District, Saiha chuan a kaihruai a, a hawnna programme 3.10.2011 ah Saiha Bazar Traffic Point bulah neih tur a ni. 10.10.2011 ah a kharna hun MTP Hall, Saiha ah neih tur a ni ang. He Faina Hapta hman chhung hian heng a hnuaia tarlan hrang hrangah te hian Fai ber lawmman siam a ni dawn a ni.
1. School fai ber (Primary School section, Middle School section leh High & Higher Secondary School section)
2. Office fai ber
3. Restaurant fai ber
4. Khaw fai ber (Saiha leh Tuipang RD Block atangin thlan tur a ni)
5. Saiha khawpui chhung veng fai ber
6. Faina lam kawnga chanchinbu ziak tha ber
He meeting ah hian Department hrang hrang hotu te, MADC aiawh te, tlawmngai pawl hrang hrang hruaitute leh chanchinthar thehdarhtute an tel tha hle a ni.
