Clean Mizoram Movement Committee chu an chairman Pu Joseph Lalhimpuia, Parliamentary Secretary hovin pisa ah ni 16.1.2015 khan an thukhawm a. January ni 30 a rampum huap Faina Hnatlangpui neih dan tur an ngaihtuah.
Committee chuan Mizoramah faina hi mitinin an veia, an engto theihna turin faina hi Movement anga kalpui tha a ti a; chumi atana hna hmasa ah Mizoram pum huap Faina hnatlangpui ni 30th January, 2015-ah neih nise, tiin an rel a. Hemi hunah hian mahni theih dan kawng theuhin mi tin hnatlang turin Committee chuan a ngen a ni.
School naupangte'n anmahni school theuh leh a tul dan a zirin YMA-te nen tangtlangin hnatlan nise. Vengtina YMA leh Local Council-te pawh hnatlang theuh tura ngen nise. Sawrkar Office tinah mahni Office leh a vel tifaia hnatlang turin sawrkar hnathawk zawng zawng te ngen nise. Pawl hrang hrang, sumdawng pawlte, lirthei neitu leh khalhtu pawlte, chawhmeh zuar pawlte pawh hnatlang tura ngen nise. Zing karah Chief Minister hovin Electric Veng Sumo Stand-ah hnatlang neih nise an ti bawk.
He hnatlangpuiah hian hnim leh phul thlo lovin bawlhhlawh thenfai hna thawh tur a ni a; thlalak tarn thei ang ber lakkhawm a, a puala Facebook Group siamah hnatlang zat leh thlalakte chu a thei apiangin tarlan nise tiin Clean Mizoram Movement Committee chuan an rel a ni.
