2556/2025-2026

Aizawl the 5th December, 2025 : Mizoram Sorkar Notification No.B.12021/10/04-TRP Dt.22.8.2008 leh Section 115of MV Act, 1988-in thuneihna a pek ang leh Sub-Divisional Officer, PWD, Aizawl Road South Sub-Division-IV ngenna angin Pu C. Vanlalvena, Superintendent  of Police, Traffic, Aizawl chuan thupek a chhuah.

PWD, Aizawl Road South Sub-Division-IV te’n Aizawl Bypass Road, Falkland Veng leitlahniam a leimin thenfai hna an thawh dawn avangin a hnuaia mi ang hian helai kawng hi khar/block hun siam a ni.

 Kawng khar/block anih chhungin lirthei tian dan tur hetiang hian ruahman a ni:

1. Falkland Veng lam, World Bank Road-a kal tur; LMV chin hnuai lamte chu Supply peng, Zemabawk Kawnveng atangin Hebrai Veng, Falkland lamah tian theih a ni.

Hemi kawngah hian Hebrai Veng lam atangin Supply peng, Zemabawk Kawnveng lamah a let zawngin Two Wheeler chauh tian phal a ni.

2. HMV, MMV-te Aizawl Bypass Road, Falkland Veng atanga Bawngkawn paltlanga Sairang road-a tian thinte pawh hna thawh zawh anih hma chuan tian phal a ni lo.

He thupek hian chhiatrupna thil; kangmei leh emergency kaihhnawiha duty, dan leh thupek pawimawh bika duty-te chetvelna a huam lo vang.