NABARD, Mizoram Regional Office, Aizawl chuan August ni 26 & 27 khan Conference Hall, MABARD Regional Office, Bawngkawn-ah Aizawl District chhunga Farmers’ Club zawng zawng ko khawmin meeting pawimawh tak an nei a. He meeting hi NABARD General Manager Pu P.C.Sahoo-in a hova, Selesih KVK Project Coordinator Pu Choudhuri bakah Agriculture, Horticulture leh Animal Husbandry lama mithiam ten loneitu/ranvulhtu te hnenah technology hmanga hmasawn dan kawng hrang hrangah zirtirna an pe a ni.
He meeting-ah hian Farmers’ Club kaltlanga loneitute hamthatna awm thei hrang hrangte chu chipchiar taka sawiho a ni a. A bik takin loneitu ten a baa khawl lei theih dan tur te, buh leh thlai tam zawk tharchhuah theih dan te, bank-a pawisa khawl leh loan rulh that pawimawhna te zirtir an ni a. Farmers’ Club-te chu bank leh sorkar department te nena thawhhona tha leh zau zawk an neih theih dan tur sawiho a ni bawk.
