Farmer hlawhtlingte Pu R. Liandawla, Sihphir Vengthar kum 56 leh Pu Lalngaihawma Rokhum kum 36 MULCO Ltd. hnuai amite National Farmers Award dawng tur a thlan an ni a, ni 18th November, 2011 khan Union Minister Pu Sarad Pawar hnen atangin h Award hi National Conference of State Minister of Animal Husbandry & Dairying and National Farmers Award function neih na ah National Farmers Award hi an dawng a, an award dawn hian Certificate leh pawisa fai Rs. 21,000/- leh shawl a keng tel a ni.

Pu R. Liandawla hian Bawng 16 a nei a, bawnghnute 60 ltrs. nitin a sawr chhuak a, ram zau tak 2 bigha a nei a, a ram chhungah hian bawng ek leitha hmangin bigha chanve laia zauah ran chaw Congo signal grass a ching khat tlat a. Iskut hmun pawh 1 bigha a zau a nei a, kum khat ah iskut 840 qtls. thar chhuakin Rs. 4,20,000/- a lei chhuak thin. Zikhlum hmun 0.25 bigha ah zikhlum 10000 phunin kum khat ah 50 qtls. Rs. 60,000/- a thar chhuak thin a. Bawng ek atang hian changpat leitha (varmi compose) siamin kum khatah 60 qtls. Rs. 72,000/- lai a hralh chhuak thin bawk. Pu

Lalngaihawma hian bawng 14 a nei a, bawnghnute 60 ltrs. nitin a sawr chhuak a, ram zau tak 2 bigha a nei bawk a ni. A ram chhungah hian bawngek leitha hmangin 1 bigha a zauah coffee a ching khat tlat a, kum khatah 5 qtls. (a ro in) Rs. 65,000/- chuang zet a thar chhuak a. Iskut hmun zau tak neiin kumtin 240 qtls a thar chhuak a. Avocado (butter fruit) kung tam tak neiin 6 qtls. kum khatah a thar bawk. Bawng ek atang hian changpat leitha (varmi compose) siamin kum tin 100 qtls. Rs. 1,20,000/- a lei chhuak thin a. An pahnih hian an bawnghnute neih zawng zawng MULCO ah an chhung vek thin a ni.