Sialsuk Welfare Association, Aizawl buaihsaihin Farmers’ Meet-cum-Awareness Campaign chu vawiin khan Sialsuk-ah neih a ni a, Sialsuk leh a chhehvel khua a kuthnathawk a eizawng mi thahnem tak he hunah hian an tel a ni.
He hun hmanpuitu Agriculture leh Horticulture changtu Parliamentary Secretary Pu K.S.Thanga chuan retheite chhanchhuahna tura NLUP duan chu sum fai hmanga kuthnathawktute chhawmdawlna ni satliah mai lovin a tum lairil ber zawk chu taimak inzirtir a ni a ti. Ram hmasawn leh intodelh reng reng dinchhuahna chu taimak leh thawhrim a ni tiin khawi ram mah sawrkar hnathawh leh contract avanga dingchhuak an awm ngai lo a ni a ti a. NLUP kalpui thuai tur hi Mizoram a kuthnathawktute tan malsawmna hnuhnung a nih a rin thu sawiin Pu K.S.Thanga chuan he policy hi hmang tangkaitu nih tum turin kalkhawmte chu a chah a. Thatchhiatna leh dawngdahna thlentu tur atana ngai lui tlat te tan kawng a awm lovang a ti.
Vawinna Farmers’ Meet-cum-Awareness Campaign ah hian Agriculture leh Horticulture mipawimawh ten loneitu hrang hrangte tana hriattur pawimawhte zirtirin an harsatna tawh hrang hrang sutkian dan turte pawh sawiho a ni a. Parliamentary Secretary hi sawrkar mi pawimawh Horticulture Secretary Pu Nghaklianmawia leh midang engemaw zat in an tawiawm a ni.
Vawinna Farmers’ Meet-cum-Awareness Campaign ah hian Agriculture leh Horticulture mipawimawh ten loneitu hrang hrangte tana hriattur pawimawhte zirtirin an harsatna tawh hrang hrang sutkian dan turte pawh sawiho a ni a. Parliamentary Secretary hi sawrkar mi pawimawh Horticulture Secretary Pu Nghaklianmawia leh midang engemaw zat in an tawiawm a ni.
