Tukin zing khan Tumpui Community Hall, Kolasib ah LPG Home Delivery Pilot Project tlangzarhna hun hman a ni a, Pu K lalrinliana, Minister of State for Food, Civil Supplies and Consumer Affairs department chu khuallian niin Pu Rinzuala, Managing Director, MIZOFED in he hun hi a kaihruai a ni.

Minister Pu K Lalrinliana chuan Tumpui veng, Kolasib chu Aizawl District pawna LPG Home delivery Pilot project kalpui hmasakna ber a nih thu sawiin Pilot project a nih angin hun engemaw chen chu consumer te tan harsatna leh buiana a awm theih thu a sawi a,” Heng harsatna te endik a siam that a, LPG Home delivery pilot project kaltlang hian gas cylinder kan mamawh phuhrukna kawnga awlsamna min thlentu ni tur a kan thawh ho a ngai a ni,” a ti. Minister chuan LPG Home Delivery tihlawhtling tur chuan LPG a kan hnianghnar a ngaih thu leh Delivery boy te tan he service hi eizawnnatlak a kan siam a ngaih thu a sawi a Mizoram a LPG hnianghnar zawk a awm theih nan sawrkar laipui a hotute dawr a nih thu leh chung indawrna rahte chu a tak a hmuh chhoh mek a nih thu a sawi bawk. Pu K lalrinliana chuan chhan hrang hrang avanga Mizoramin LPG indaihlohna kan tawh thin thu sawiin hemi chungchanga Sawrkai laipuia hotute nen an inbiak thu a sawi a, Gas Bottling Plant lian leh changtlung zawk bunna tur hmute en tawh niin Bairabi ram chhungah hmalak a nih thuai tur thu a tarlang bawk. Minister chuan LPG Home delivery a delivery boy te chu a bika zirtirna pek an nih avangin LPG buk tling leh him tih finfiah chauh pe chhuak tur leh a chhiat pawh a siam thei an nih dawn thu a sawi a, hei hian kangmei leh LPG kaihhnawih chetsual theihna hrang hrang venhim kawngah nasa taka a puih a beisei thu a sawi bawk a ni. Minister chuan kan ram chhung ramngawte humhalh nan leh boruak chhe zel venna atan LPG hman a pawimawh a thu sawiin Mizoram LPG dinhmunte mipuiin chiang zawka an hriat theih nan hun reilote chhungin chanchinbuah nitina tarlan thin a nih tur thu a sawi bawk.

Pu Rinzuala, Managing Director, MIZOFED chuan kalkhawmte lawmna thu sawiin LPG Home delivery pilot project tih hlawhtlin nan Sawrkar, LPG semtute leh mipuite inkarah thawh hona tha a awm pawimawh hle thu a sawi a, enchhinna a nih angin December thla tawp, 2019-ah inenletna neih a nih tur thu leh a tul anga siam danglam theih a nih thu a tarlang bawk a ni.

Kolasib LPG Home delivery pilot project tlangzarhnaah hian MIZOFED board of directors te, Kolasib MIZOFED, Legal Metrology-a thawktute leh khawtlang mipui thahnem tak an tel a, Pi F Lalrinmawi, President, Tumpui Village Council in thusawina hun te hmangin LPG Home delivery Interactive Voice Response System (IVRS), SMS leh Landline hmang a tih dan te inzirtirna hun hman a ni.

GAS ONLINE BOOKING DAN

Gas Booking tih dawn hian book dan chi 4 a awm a, hetiangin -
1. IVRS (Interactive Voice Response system) hmangin
2. SMS (Short message service) hmangin
3. Landline phone hmangin
4. Mahni ngei showroom ah kalin

IVRS leh SMS hmanga booking tihdan –
A thatna te -
1. Mahni awmna hmun atangin gas a Dook theih (Phone call), SMS emaw internet kaltlangin
2. Distributor ten huntiam chhungin gas book tawhte chu an pek ngei angai
3. Nangmah ngeiin gas I book avangin subsidy pawh nangma account ah ngei a lo lut ang a, subsidy kal sual tur a veng ang.4. LPG supply khawpkhap lo emaw mumal lo emaw he system ah hian a rawn lang chiang thei nghal ang
5. Home delivery system kan neih theih nana rahbf pawimawh hmasa a ni bawk.
Gas online a book dawnin i mobile register hmasa la, I gas chu han book chhin ve teh
(indane.co.in/sms ivrs.php) thil harsa a awm lo.

One time Registration (Telephone hmangin)
1. In landline/Mobile phone atangin Ph.No/ 9089024365 ah hian dial rawh.
2. Hindi a i duh chuan 1 hmet la, English a i duh chuan 2 hmet rawh.
3. In Distributor landline number hmet rawh, Entirnan, In Distributor chu MIZOFED Kolasib alo nih chuan 03837-220020 hmet rawh.
4. IVRS chuan i distributor agency liming a rawn sawi chu a dik tih confirm nan 1 hmet leh ang che.
5. I consumer number hmet la, Entirnan, i consumer number chu 1234 anih chuan 1234 hmet la, customer should dial the numeric part of the customer number IVRS in a rawn sawi chu ngun takin ngaithla la, a dik chuan confirm nan 1 hmet leh ang che.
6. Subsidy tih tawp i duh leh duh loh a lo zawt ang che a, reject nan 1 hmet la, booking menu ah i kal ang.
7. Refill book nan 1 hmet la.
8. Complain fur (Subsidy dawn mumal lote, gas cylinder hmuh loh rei lutukte) i nei anih chuan 2 hmet ang che.
9. I gas book hnuhnung ber chungchang i hriat duh chuan 3 hmet rawh.
10. Gas i book hnu chuan i va call na number chu i personal number anih leh nih loh a lo zawt ang che a, confirm nan 1 hmet la,i number chu a hnu zelah gas book na chungchanga hman turatan register nghal ani ang.

Number Register tawhte tan -
1. I number register tawh sa atang chuan Ph.no.9089024365 dial rawh.
2. Gas i book dawn chuan 1 timet la.
3. Complain tur i neih chuan 2 i hmet ang.
4. I gas book hnuhnung ber chungchang a hriat duh i neih chuan 3 hmet rawh.

Gas chu i book rualin i number ah chuan Reference number alo thleng ang a, chubakah chuan heng himate hian SMS i dawng thin ang.
1. Gas i book a piangin
2. Cash memo print anihin
3. I gas book chu alo thlenin
4. I gas book chu engvang pawh a cancel anihin.

SMS hmanga tih dan –
1. Registration : No. 9089024365 ah hian hetiang hian SMS thawn tur a ni : IOC<STDCODE+Distributor
Telephone Number<Consumer Number<Consumer No<, Entirnan I distributor tur chu MIZOFED LPG Kolasib (220020) a lo ni dawn a, I Consumer No chu 1234 lo ni ta sela hetiang hian SMS I thawn tur a ni ang – IOC 03837220020 1234
2. Booking : No. 9089024365 ah tho hian SMS <IOC> hi thawn mai tur ni.
3. Refill: No. 9089024365 ah tho hian SMS <IOC> tih thawn tur a ni.