350/2026-2027

Saitual, the 30th April, 2026 : Vawiin khan FCS & CA Minister Pu B. Lalchhanzova chuan Govt. Godown (kudam) chu Teikhang SC-ah a hawng a, a hawnna inkhawm hi Teikhang Community Hall-ah neih niin, Minister hi Pi Saizikpuii, Director, FCS &CA department-in a tawiawm.

He hunah hian khuallian Minister Pu B. Lalchhanzova chuan thu a sawi a, FCS & CA lama an hotute thawhrimna zara Teikhanga kudam hawn a ni thei chu lawmawm a tih thu sawiin, a khua leh a chhehvela mipuiten an chhawr ngei a beisei thu a sawi bawk.

Khuallian chuan gas leh buhfai buk dik chu sawrkar thupui a ni tih a sawi a, mipuite pawhin hruaitu dik an duh chuan dik taka thil tih chu an mawhphurhna a ni, a ti. Revenue Department lamah pawh a thawhpuite nen theih tawp an chhuah zel thu sawiin, Saituala Revenue Headquarters te pawh an thuam chak chho mek zel a ni, a ti.

Minister chuan mipuite nena harsatna leh mamawh inhrilh tawnna hun remchang tak an hmang thei chu lawmawm a tih thu a sawi a, khawtlang hruaitute ngenna hrang hrang te pawh bawhzui a, theih tawp chhuahpui a tum thu a sawi bawk. Khuallian chuan hmasawnna rualkhai tak nei tur chuan khawpui leh thingtlangah hmasawnna a kal kawp a ngai tih a sawi a, huaisen taka mahni dikna chanvo hria a, hma lam pen ngam turin kalkhawmte chu a fuih bawk a ni.

Vawiin inkhawm hi Pu Zairemkima, DCSO, Saitual chuan a kai hruai a, FCS & CA Minister Pu B. Lalchhanzova leh Pu Biakkima, VCP, Teikhang ten thu an sawi a, Pu Lalruatsanga, JE, PWD Project Division-III hnen atangin technical report ngaihthlak a ni bawk. Pi Saizikpuii, Director, FCS &CA department chuan lawmthu sawinain hun a khar a ni.