No.634/2021-2022

Kolasib dated 22nd May 2021: Tukin zing khan Pu K.Lalrinliana, Minister of State, Food, Civil Supplies and Consumer Affairs Department, Kolasib Assembly constituency bialtu MLA ni bawk chuan a bial chhung Village Level Task Force-te hman tur hmai tuamna, hand sanitizer leh Disinfectant a hlan a, a bial chhung VLTF 19 hnenah inkhuahkhirna kalpui chhung a chhuanchham an awm loh nan buhfai a ruahman sak bawk a ni.

Minister Pu K.Lalrinliana chuan hrileng avanga a bial chhung hmun hrang hranga harsatna awm chu pawi a tih thu sawiin inkhuahkhirna kalpui chhung a sawrkar thuchhuak kenkawhna kawng a hma la ?hin tu VLTF te chungah lawmthu a sawi a. Hrileng dona atan thlaphang leh chiai chung a ruahmanna siam lova, rilru fim tak leh fimkhur tak a hmalakna kalpui ?hin turin VLTF hruaitute chu a chah.

Minister chuan hrileng dona kalpui chhung hian mi harsa zualte, nitin inhlawhfa chawp a eizawn ngaite leh inkhunghran avang a eizawnna chhunzawm thei lo te ngai pawimawh hmasa turin khawtlang hruaitute chu a chah a, mahni intodelh tumna kawnga hmasawnna thlentu ni ngei turin he hrileng hian khawtlang hruaitute leh mipui rilruah nghawng nei ngei se a duh thu a sawi bawk a ni.

Bairabi Rail Station a buhfai sawngbawl kawng a thawktute zingah Covid-19 hri kai an awm avangin thawktu an indaih loh hle thu sawi niin Mizorama buhfai thiar luh kawng a chatlak a awm loh nan Supply Minister chuan Bairabi Joint VLTF, FCI leh DCSO a thawktute nen ruahmanna an siam nghal bawk a ni.

Bairabi Rail Station a thawktute hri lak a an him lehzual nan a hran a hman turin tui leh inthiarna mamawh a nih thu an lo thlen angin Bairabi North VLTF hruaitute nen ruahmanna siam nghal a ni a. Minister hian a bial chhung a VLTF 19 te hnenah buhfai bag 7 ?heuhin a sem bawk a ni.

Bairabi mi leh sa 53 te chu Covid-19 positive ni mekin CCC ah enkawl an ni a, in lam a inkhunghran tir chhungkaw 106 an awm mek bawk a ni. Hemi bakah hian Bairabi North-a Community Quarantine Centre-ah mi 10 an awm bawk a ni.

Supply Minister hi Pu HC Lallianzuala, DCSO, Kolasib, Pu Vanlalmuana, SDC, Bairabi leh Pu Hmingthanzuala, DIPRO ten an tawiawm a ni.