National Consultation meeting of State Ministers i/c FCS&CA Department tum 3 na May 21, 2016 hmang tura Union Minister Ram Vilas Paswan-a’n a sawm anga thang mek Food Civil Supplies & Consumer Affairs Minister Pu John Rotluangliana chuan fur daih buhfai chhek lawk phalna a hmu.

Tukin zing dar 11 khan Minister Pu John Rotluangliana hian Ministry of Consumer Affairs Secretary a kawm a. Ms. Vrinda Sarup, Secretary, Food & Public Distribution hnenah Mizoram dinhmun sawifiahin, furpui laia Mizo mipuiten tampui an tawh lohna atan thla 4 daih buhfai chhek khawl a tul thu a hrilh a. Minister thu thlen hi ngai pawimawhin National Food Security hnuaia sem turin Food Corporation of India (FCI) kal tlanga advance lifting phalna an lo pe a ni.

Advance lifting phalna order hi naktuk May 21, 2016 Inrinni a Consultation meeting naah pek a nih tur thu Secretary hian a hrilh a ni.

Minister hian a remchan dan angin a department chan dang Transport leh Tourism Department te thil pawimawh pawh a rawn bawhzui nghal ang.